Об иконе

Вход Господень в Иерусалим (Вербное воскресение) – древний христианский праздник, относящийся к двунадесятым. В этот день Церковь празднует одно из самых важных событий в земной жизни Спасителя – Его торжественный вход в Иерусалим, символизирующий с одной стороны признание миссии Иисуса Христа, а с другой - прообраз входа Сына Человеческого в Рай.

Этот день считают добровольным вступлением Иисуса Христа на путь крестных страданий для спасения человечества. Сегодняшний день - торжественный и светлый, на время преодолевающий сосредоточенно-скорбное настроение Великого поста и предваряющий радость Святой Пасхи. С понедельника, следующего за Вербным воскресеньем, начинается Великая неделя, которая заканчивается самым торжественным христианским праздником – Воскресением Христовым, Пасхой. Шесть дней Великой недели посвящены воспоминаниям страданий, смерти на кресте и погребению Иисуса Христа. Великим называется и каждый из ее дней, имеющий свое условное название, посвященное тому или иному событию из жизни Спасителя. 
Праздник Входа Господня в Иерусалим (Вербное воскресенье) для каждого христианина служит вехой и призывом отчитаться перед Богом, перед собой, задуматься о чистоте своих помыслов и праведности поступков. Праздник был установлен в Иерусалиме, упоминание и изображение его встречается уже в IV веке, однако традиция широкого празднования окончательно устанавливается к VII веку. Праздник Входа Господня в Иерусалим празднуется и православными, и католиками, и многими протестантами.
В субботу, за день до Вербного воскресения, Православная Церковь вспоминает воскрешение Иисусом Христом Лазаря (Ин.11:1-45) - Лазарева суббота. Это событие удостоверяет грядущее воскресение всех умерших, Лазареву субботу условно можно считать предпразднеством Вербного воскресенья, этот день начинает цикл событий, тесно связанных с Воскресением Христовым. Воскресение Иисуса Христа – центральное событие христианской веры, ее краеугольный камень. Сам момент Воскресения Спасителя в силу величия, неподдающегося описанию, в текстах Евангелий отсутствует, есть лишь описание событий, так или иначе связанных с Воскресением Христа. 
Вход Господень в Иерусалим являет осуществление ветхозаветных пророчеств (Быт. 49: 10–11; Пс. 8: 2–3; Зах. 9: 9) и является одним из главных событий последних дней земной жизни Иисуса Христа, оно описано всеми четырьмя евангелистами (Мф. 21: 1–11; Мк. 11. 1–11; Лк. 19: 28–40; Ин. 12: 12–19).
Согласно Новому Завету, на следующий день после воскрешения Лазаря Иисус Христос совершил торжественный вход в Иерусалим, причем для въезда в город Спаситель попросил привести ему осла как символ того, что он идет с миром (въезд в город на коне, означал в то время враждебные намерения). По древнему иудейскому преданию Мессия - Царь Израилев должен быть явлен в Иерусалиме на Пасху. Народ, собравшийся со всех уголков страны для празднования еврейской Пасхи, зная о чудесном воскрешении Лазаря, торжественно встречает Иисуса как грядущего Царя. Множество людей устилают дорогу перед Спасителем своей верхней одеждой и пальмовыми листьями, поют хвалебную песнь: «Осанна (спасение) Сыну Давидову! Благословен грядущий во имя Господне, Царь Изралиев!». (Мф. 21:1-17; Мк. 11:1-19; Лк. 19:29-48; Ин. 12:12-19).
Спаситель же, приблизившись к Иерусалиму, со скорбью смотрел на него. Он знал, что народ, сейчас торжественно встречающий его, устилающий перед ним дорогу собственной одеждой и пальмовыми ветвями, отвергнет Его, - своего Спасителя, - и Иерусалим будет разрушен.
По еврейским традициям царей и победителей следовало встречать очень торжественно, устилая дорогу пальмовыми ветвями. Долгое время находящийся под игом римлян еврейский народ ожидал Мессию, который освободит их от римского управления. Уверовав в могущественного Спасителя, простой сердцем народ готов был признать в Нем Царя, который пришел освободить его. Но только Один Христос знал, что вместо ожидаемого всеми земного царства, Он несет им Царство Небесное и освобождает свой народ нет от римской власти, а от рабства грешной жизни. Торжественно въезжая сейчас в Иерусалим, исполняя пророчество Ветхого Завета (Зах. 9:9), Иисус Христос знал, что здесь он не как Царь земной или победитель в войне, а как Царь, Царство Которого не от мира сего, как Победитель не зримого врага, а греха и смерти. Он Один знал, что путь этот, устланный пальмовыми ветвями, ведет к Голгофе и идет Он по нему добровольно.
Предательство Иуды, Тайная вечеря с апостолами, моление в Гефсиманском саду, суд Понтия Пилата и царя Ирода, скандирование той же толпы: «Распни его!», путь на Голгофу и казнь – все это еще впереди. Начиная с вечера Вербного воскресенья, богослужебные тексты проведут нас по следам Господа, грядущего на вольную смерть. Сейчас же Спаситель входит в Иерусалим, чтобы учить и исцелять в храме всех с верою приходящих к Нему. 
С древних времен установления праздника существует обычай в этот день совершать освящение ваий (пальмовых ветвей), отчего праздник помимо названия «Вход Господень в Иерусалим» носит названия: «Неделя ваий» и «Цветоносная Неделя». На Руси этот праздник получил распространение в X веке и был назван «Вербное воскресенье», потому что пальмовые ветви в русской традиции были заменены ветвями вербы, распускающейся ранее других деревьев на севере. Пока еще все серо после отступающей зимы, верба уже несет веянья весны и стоит украшенная пушистыми почками, обещая скорое тепло. 
Благочестивая традиция освящения верб совершается на праздничном Всенощном бдении, после чтения Евангелия священник окропляет ветви святой водой. Освещенные ветви раздаются молящимся. Стояние в храмах с вербовыми ветвями и зажженными свечами - это воспоминание торжественного Входа Спасителя на вольные страдания. Молящиеся как бы встречают невидимо грядущего Господа и приветствуют Его, как победителя ада и смерти.
Для православного христианина важно понимать праздник Входа Господнего в Иерусалим не только как воспоминание об исторических событиях земной жизни Спасителя, необходимо, чтобы этот праздник был событием, которое имеет непосредственное значение для нашей души и нашего спасения. Иисус Христос, кроткий и праведный идет к каждому из нас, стучится в двери нашего сердца, и наша задача – услышать Его, с радостью встретить Спасителя, открыть Ему свое сердце.

Когда совершается празднование

Празднество «Вход Господень в Иерусалим» отмечается за неделю до Пасхи - Светлого Христова воскресенья.

Как молиться перед иконой

Молитва ко Господу перед иконой Вход Господень В Иерусалим
При освящении верб читается молитва: "Освящаются вербы сии, Благодатию Всесвятаго Духа и окроплением воды сия священныя, во имя Отца и Сына и Святаго Духа. Аминь!"

Тропарь, глас 1.
Общее воскресение / прежде Твоея страсти уверяя / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе Победителю смерти вопием: / осанна в вышних, // благословен Грядый во имя Господне.

Другой тропарь, глас 4.
Спогребшеся Тебе крещением, Христе Боже наш,/ безсмертныя жизни сподобихомся воскресением Твоим,/ и воспевающе зовем:/ осанна в вышних, // благословен Грядый во Имя Господне.

Кондак, глас 6.
На престоле на небеси,/ на жребяти на земли носимый, Христе Боже,/ Ангелов хваление и детей воспевание/ приял еси зовущих Ти: // благословен еси, грядый Адама воззвати.
Величание.
Величаем Тя, / Живодавче Христе, / осанна в вышних, / и мы Тебе вопием: // благословен Грядый во имя Господне.

Акафист на Вербное Воскресение

Кондак 1
Избранный Царю Горняго Сиона, Кроткий, спасаяй и Праведный Избавителю наш, Тебе, в вышних на Херувимех носимаго и певаемаго от Серафим, зрим ныне на жребя возшедшаго и в Иерусалим к вольней страсти грядущаго. Сего ради поклоняемся неизреченному снисхождению Твоему, и с ваиами и ветвьми умиленно сретаем Тя, да и с дети еврейскими воззовем Тебе: Благословен грядый во имя Господне, осанна в вышних!

Икос 1
Архангелов и Ангелов лики со страхом и с трепетом взираху с небесных высот на Твое, Христе Спасе, во Иерусалим к вольной страсти вхождение и со Апостолы незримо сопровождаху Тя Царя Своего и с дети еврейскими 'осанна в вышних' Тебе приношаху и воспеваху песнопения сицевыя: Благословен еси, Господи Боже наш, яко посетил и сотворил еси избавление людем Своим. Благословен еси, Владыко Христе, яко пришел и даровал еси Крестом спасение чадом Своим. Благословен еси, грядый Адама из глубины ада воззвати. Благословен еси, пришедый Еве от древния печали свободу даровати. Благословен еси, благовествуяй мир на Израиля и спасение языков. Благословен еси, возвещаяй Завет Нов в кроплении крови Своея. Благословен Грядый во имя Господне! Осанна в вышних!

Кондак 2
Видев Тя, Иисусе, Марфа и Мария паки в Вифанию пришедша прежде шести дней бытия Пасхи, сотворша Тебе вечерю ту, и бе Лазарь един от возлежащих, Марфа с усердием служаше Тебе, Подателю всяческих, Мария же благую часть избра, благодарна сущи о воскрешении брата своего, и приемши литру мира нарда чиста многоценна, помаза пречистыя нози Твои и отре власы своими, с любовию от избытка сердца, вопиюще Тебе: Аллилуиа.

Икос 2
Разума неуразуменна вольнаго Твоего на страдания пришествия не разумев Иуда, иже хотяше уже предати Тя, смутися, зряще Мариино миром помазание ногу Твоею, Господи, и рече: 'Чесо ради гибель сия бысть? Можаше бо сие миро продати на трех стех пенязь и датися нищим. Сие же рече не яко о нищих печашеся, но яко тать бе'. Ты же, Господи, ведый, яко надлежит Ти скоро смерть претерпети, оправдал еси святую жену сию, глаголюще: 'Не дейте ея, да в день погребения Моего соблюдет е'. Сего ради почитающе вольное ко страсти пришествие Твое, вопием Тебе сице: Благословен еси, Господи, Мариею на вечери на погребение приуготованный. Благословен еси, Иисусе, Иудою в душе еще в Вифании на смерть уже осужденный. Благословен еси, в Вифанию пришедый, в дом мира, да любовь и миром помазание от Марии приемлеши. Благословен еси, во Иерусалим Грядый на вольную страсть, да паки любовь от святых жен мироносиц всему миру возвестиши. Благословен еси, Лазаря из мертвых воздвигнувый, да будет с крепостию пришествие Твое. Благословен еси, Себе Самого от гроба возставити Грядый, да будет со властию вхождение Твое. Благословен Грядый во имя Господне! Осанна в вышних!

Кондак 3
Имеяй власть воистину Божественную, Владыко Христе, Ты во утрий день изшед из Вифании зело заутра и приближася в Виффагию, послал еси двоицу от ученик Твоих, глаголюще: 'Идита в прямную весь, в нюже входяща, обрящета осля привязано и жребя, на неже никтоже николиже вседе от человек, и отрешивша я, приведита Ми. И сице кто речет вам, что творита, рцыта, яко Господь требует я'. Изшедша же ученика, приведоста осля и жребя, и возложиша на не ризы своя. Ты же, Бог Сый, на Херувимех носимый, яко человек на жребя младо возсел еси нас ради, да яко Царь кроток, в мир сотвориши вхождение Твое во градотца Твоего Давида. Сего ради сретаем Тя сицевыми похвалы: Благословен еси, в Вышних со Отцем на Престоле седяй, на жребяти осли сести изволивый. Благословен еси, на небесех от Горних Сил поклоняемый, от детей на земли поклонение приявый. Благословен еси, крепостию царствуяй веки, со славою во Иерусалим Грядый. Благословен еси, на смиренныя призираяй, с кротостию во своя пришедый. Благословен еси, на жребяте безсловесном возседый, древнее безсловесие разрешити хотяй. Благословен еси, странное обнищание долу приемый, на небеси горе Отцу и Духу соседяй. Благословен Грядый во имя Господне! Осанна в вышних!

Кондак 4
Буря недоумения смущает ми ум, како достойно воспою велие снисхождения Твоего таинство, Господи, яко имея престол - небо, Ты на жребя худо возшел еси человека взыскуя, хотя разрешити его древняго безсловесия, да сбудется реченное Захариею пророком глаголющим: 'Радуйся зело, дщи Сионя, проповедуй дщи Иерусалимля. Се Царь Твой грядет к Тебе Праведен и Спасаяй, Той Кроток всед на подъяремника и жребца юна'. Сего ради прославляем с миром на жребяте шествие Твое во Иерусалим, из глубины души вопиюще Тебе: Аллилуиа.

Икос 4
Слышавше народ мног пришедый на праздник, яко грядеши Господи во Иерусалим, собрашася вкупе во множестве и постилаху ризы своя по пути, друзии же резаху ветви от древ и постилаху по пути, и предходящии и вслед грядущий вопияху Тебе, глаголюще: Осанна Сыну Давидову! Благословен Грядый во имя Господне! Благословенно Грядущее Царство во имя Господа отца нашего Давида! Осанна в вышних! Сего ради и мы в предпразднственный день сей, носяще воскресения знамения ветви древес, Тебе, яко Победителю смерти вопием: Благословен еси, Царю Израилев, Царство не от мира сего взыскати пришедый. Благословен еси, Сыне Давидов, трости сокрушенныя преломити не восхотевый. Благословен еси, Пастырю Добрый, заблудшее овча обрести грядый. Благословен еси, Агнче Незлобивый, Себе Самого в жертву принести хотяй. Благословен, еси Владыко твари, от твари Твоея с любовию сретаемый и с ветвьми ублажаемый. Благословен еси, Царю Славы, со славою царскою от учеников провождаемый и от детей прославляемый. Благословен Грядый во имя Господне! Осанна в вышних!

Кондак 5
Богосветлою красотою и крепостию облечен быв от века, Господи, грядеши со славою в Сион, восход на Елеонскую гору совершая, да исполнится Наума пророка предречение: 'Се на горах ноги Благовествующаго и Возвещающаго мир. Празднуй Иудо праздники твоя, воздаждь обеты твоя'. И паки исполнися Давида праотца Твоего другое предречение: 'Видена быта шествия Твоя, Боже, шествия Бога моего, иже во святем'. Егда же приблизился еси уже к нисхождению с горы Елеонския, все множество учеников начаша радующеся хвалити Бога гласом велиим, сугубо прославляюще Тя о всех чудесех, яже видеша от Тебе, глаголюще: Благословен Грядый Царь во имя Господне! Мир на земли и слава в вышних! Сего ради и мы днесь Новый Израиль, яже от язык Церковь, радующеся возопием Тебе с ними: Аллилуиа.

Икос 5
Видевше фарисеи от народа сущии, яко ликования народныя зело умножаются, Тебе, Господи, с горы нисходящу, и яко гласи учеников Твоих зело велии суть, вознегодоваша и реша Тебе: Учителю, запрети учеником Твоим. Ты же, Господи, возгласил еси им: 'аще сии умолкнут, камни возопиют, якоже предрече Аввакум пророк, глаголя: 'камение из стен возопиют, древо же отвещати будут им'. Сего ради и мы, аще душами и сердцы хладни есмы, якоже камение, обаче по слову Твоему не умолчим хвалы Тебе возсылати сицевыя: Благословен еси, Господи Боже наш, яко пришел еси во Иерусалим грешныя спасти. Благословен еси, Христе Спасе наш, яко возвестил еси верным Твоим, яко близь к нам еси. Благословен еси, Сыне Отечь, яко грядеши Кровию Креста Твоего небесная и земная примирити. Благословен еси, Сыне Человечь, яко идеши велию любовь Отца Небеснаго всему миру возвестити. Благословен еси, Царю Царствующих, яко Царство Твое - Царство всех веков. Благословен еси, Владыко владеющих, яко Владычество Твое - во всяком роде и роде. Благословен Грядый во имя Господне! Осанна в вышних!

Кондак 6
Проповедницы Божественныя силы Твоея, Господи, быша сущии с Тобою в Вифании иудеи, зане тии свидетельствоваху в Иерусалиме, яко Лазаря от гроба воздвигл еси. Сего ради и сретя Тя народ, яко слышаща Тя сие сотворша знамение. И глаголаху друг ко другу: чесо ждем и не исходим на сретение Сыну Давидову с ваиами от финик, да исполнится Писание: 'взыду на финик. удержу ветви его', зане Той есть финик правды, о Немже рече Давид: 'Праведник, яко финикс процветет'. Сего ради с ветвьми воспеваху первое Тебе народи: Осанна, обаче послежде с дреколми изыдоша на Тя, яко на разбойника, не ведуще пети: Аллилуиа.

Икос 6
Возсия во всей славе своей и красоте Святый град Божий Сион, 'град Великаго Царя', егда приблизился еси к нему, Господи, и увидел еси с высоти горы Елионския вся здания церковная и иная строения градская зело красныя. Тогда, видя святый град. Господи, восплакался еси о нем, яко отец чадолюбивый, и с плачем рекл еси: 'аще бы разумел еси ты хотя в сей день твой, еже к миру твоему, обаче сие скрыся от очию твоею'. И абие предрекл еси, яко приидут дние, егда обложат святый град врази и разбиют его, и чада его, и не оставят камень на камни в нем, понеже не разумел времени посещения Твоего. Мы же ведуще Тя, яко Добраго Пастыря, скорбящаго об заблудших овцах Своих, вопием Ти: Благословен еси, Пастырю овцам Великий, овча погибшее взыскати пришедый. Благословен еси, Архиерею грядущих благ, немощем нашим спострадати восхотевый. Благословен еси, Новаго Завета Ходатаю, возжелавый падшия люди от вечныя смерти спасти. Благословен еси, Судие Праведнейший, яко праведен еси, и прави суди о граде Твоем. Благословен еси, Спасе Всемилостивейший, яко милостив бывал еси и милости Твоея исполнь вся земля. Благословен Грядый во имя Господне! Осанна в вышних!

Кондак 7
Хотяй избавити род человечь от работы вражия, Иисусе, пришел еси во Иерусалим, да исполнится Писание: 'явится Бог богов в Сионе'. Тебе тамо, потрясеся весь град; единии бо изыдоша на сретение Тебе, восклицающе велегласно: 'Осанна Сыну Давидову', друзии же, удивляющеся вопрошаху: 'Кто есть Сей'. О, безумнии старцы, лжеимений учителие! Вся стогна града проповедуют чудеса Твоя. Вся Иудея исполненна благодеяньми Твоими, сии же вопрошают: Кто есть? Лазарь едва воскресе, и не ведят, кто исхити его от смерти. От двора Иаирова едва исшел еси, и не ведят, кто есть ожививый дщерь его? Видят, обаче не хотят воспети Тебе, яко Богу: Аллилуиа.

Икос 7
Дивное показал еси смотрение Твое, Иисусе, егда со славою восшел еси во Иерусалим и абие, яко Архиерей, посетил еси святый храм соглядати его. В дом Отца Твоего пришел еси со властию, и исполнися святаго Аввакума пророка предречение: 'Господь во Святом храме Своем: да молчит вся земля пред Лицем Его'. И абие изгнал еси вон вся сущии тамо продающия и купующия, глаголя: 'Храм Мой - храм молитвы наречется, вы же сотвористе его вертеп разбойником'. И тако исполнися другое Писание: 'Ревность дома Твоего снеде Мя'. Мы же, убоявшеся таковаго праведнаго гнева Твоего, Господи, единое просим от Тебе, еже жити в дому Твоем во вся дни живота нашего, зрети красоту Твою и посещати храм святый Твой, да прославим Тебе сице: Благословен еси, не в рукотворенных храмах живый на небеси, в храм земный со славою возшедый. Благословен еси, селение славы Своея возлюбивый на земли, дом молитвы от житейских попечений оградивый. Благословен еси, Господи сил, яко возлюбленна селения Твоя, паче селений грешничих. Благословен еси, Царю славы, яко лучше день един во дворех Твоих, паче тысящ, во градех нечестивых. Благословен еси, велий в Сионе, яко страшно и свято имя Твое. Благословен еси, живый во Иерусалиме, яко свят храм Твой, дивен в правде Твоей. Благословен Грядый во имя Господне! Осанна в вышних!

Кондак 8
Странное и преславное чудо сотворил еси, Христе, егда 'внезапу пришел еси в Церковь Свою и тамо приступивших к Тебе хромых и слепых исцелил еси', яко Светлодавец, и Милостивый Врач, яко 'правда пред Тобою предыдет', якоже рече Давид, и тако всем источил еси в великий и предпразднственный день сей радость, истину, свет и живот, якоже предрече Софония пророк, глаголя: 'Радуйся дщи Сионова зело, отьят Господь неправды твоя, воцарится Господь посреде тебе и не узриши зла ктому Господь Бог Твой в тебе и обновит тя в любви Своей Тебе ради, глаголет Господь, спасу утесненную, и отриновенную прииму'. Сего ради и мы, веселящеся в день праздника посещения Твоего, воспоем Тебе: Аллилуиа.

Икос 8
Весь был еси любовь, Сладчайший Иисусе, сего ради хвалу Тебе приносит возлюбленный Израиль изо уст ссущих и незлобивых младенец: егда старцы и учителие их Богохульствуют вопрощающе, кто есть Сей, младенцы Богословствуют, вопиюще Тебе: 'Осанна Сыну Давидову', и с ваии и с ветвми сретают во храме пришествие Твое, предвозвещающе скорое Твое из мертвых воскресение. Сподоби же и нам одержимым гордостию обратитися, яко незлобивии дети, таковых бо есть Царствие Небесное, да от чистаго сердца купно с ними принесем Тебе таковые похвалы: Благословен еси, в вышних певаемый от Серафим, от незлобивых младенец воспевание приявый. Благословен еси, в горних носимый от Херувим, от чистых сердцем Богоносно в сердце носимый. Благословен еси, скинию падшую Давидову возставити пришедый, да нашу внутреннюю благообразную скинию паки просветиши. Благословен еси, храм Твой - дом молитвы сотворивый, да нас бывших вертеп душетленных разбойников паки дом чист Духа Святаго сотвориши. Благословен еси, Емуже тысящи тысящ служаху на небеси и тьмы тем предстояху пред Ним. Благословен еси, Емуже сонмы детей воспеваху на земли и тьмы народныя сретаху Его. Благословен Грядый во имя Господне! Осанна в вышних!

Кондак 9
Все сонмище Иудейское архиереев и книжников, видевше чудеса, яже сотворил еси во храме, Иисусе, и отроки зовущия: 'Осанна Сыну Давидову', вознегодоваша и реша Тебе: Слышиши ли, что сии глаголют? - Ты же рекл еси им: Несте ли чли николиже, яко изо уст младенец и ссущих совершил еси хвалу. Мы же удивляющеся окаменению и жестосердию сердец их, злобою да младенчествуем ныне, да в простоте сердечной воспоем Ангельскую песнь: Аллилуиа.

Икос 9
Витии Божественнии, аще и много глаголют, но не возмогут воздати достойнаго благодарения неизреченному снисхождению Твоему, Христе, яко ныне волею пришел еси во Иерусалим крест претерпети, сего ради утаил еси от премудрых и разумных Свое Божество и открыл еси е младенцем, иже чистым сердцем паче отец своих ощутиша, яко Ты еси воистину Христос. Сподоби и нам душами чистыми и нескверными усты исповедати Божественную Славу Твою, поюще Тебе сице: Благословен еси, явлением словес Твоих просвещаяй и вразумляяй младенцы, просвети и вразуми наши мысли и сердца. Благословен еси, творением чудес Твоих свидетельствуяй Божество Свое, открый очи мои уразумети от закона Твоего чудеса. Благословен еси, пасый Израиля, паси мя в кротости духа на месте злачне. Благословен еси, храняй Иакова, всели мя в чистоте сердца на воде покойне. Благословен еси, Царю мира, да возсияет во днех Твоих правда, дондеже отъимется луна. Благословен еси, Солнце Правды, да просветится свет Твой во множестве мира, дондеже сияет солнце. Благословен Грядый во имя Господне! Осанна в вышних!

Кондак 10
Спасти хотяй языки, Христе Боже наш, Ты воздвигл еси нецыи от еллин, пришедших поклонитися в праздник, яко да видят Тя. Сего ради тии приступиша к Филиппу, глаголюще: 'Хощем Иисуса видети'. Тойже вкупе с Андреем глаголаху Тебе. Ты же отвещеваеши им, яко ныне уже прииде час, да прославится о сем Сын Человеческий. Во своя бо пришел еси и свои не прияша Тя, и на смерть осудиша. Сего ради, яко зерно пшеничное не принесет плода, аще пад на землю не умрет, тако же и Ты смертию Своею мног плод принесл еси во языцех, да исполнится Исаии пророка предречение, яко явлен был еси не ищущим Тя, и обретен был еси не вопрошающими Тя. Сего ради 'приидите языцы и видите днесь Царя Небеснаго, яко на престоле высоце на жребяте худе во Иерусалим входяща', да вси едиными усты и сердцем воспоем Ему: Аллилуиа.

Икос 10
Царю Превечный, кроткий, праведный и спасаяй Утешителю наш! Ты кротко пришел еси в день сей во Иерусалим на кротком жребяти осли сидя, да конское свирепство разрешиши на земли. Сего ради кротость Твоя разумна да будет всем человеком, и да ведают вси, яко Ты взираеши токмо на кроткаго, молчаливаго, трепещущаго словес Твоих. Сего ради 'да раскуют мечи своя на орала и копия на серпы, и да не навыкнут ктому ратоватися'. Мы же 'кротцы сущи душею и смирении нравом, благодатию приимем кроткаго всех Владыку, грядущаго гордыню лукаваго сокрушити', да в кротости духа воспоем Ему сице: Благословен еси, на гору Сион возшедый, да мир на Израиля благовестиши. Благословен еси, Иерусалиму проповедуяй, да спасение языков возвестиши. Благословен еси, пришедый благовестити нищим лето Господне приятно, да вся сокрушенныя сердцем исцелиши. Благословен еси, восхотевый возвестити плененным отпущение, да вся уничиженныя во отраду свободиши. Благословен еси, яко кокошь птенцы своя под крыле собираяй, да вся обремененныя грехми Крестом искупиши. Благословен еси, яко зерно пшеничное в землю падшее, ко погребению грядый, да вся до глубины ада павшия Воскресением обновиши. Благословен Грядый во имя Господне! Осанна в вышних!

Кондак 11
Пение всеумиленное принесем Тебе, Христе, вкупе с незлобивыми младенцы 'осанна' Тебе воспевшими, с нимиже и мы Тебе вопием: Бог Господь, и явися нам, да с ваии и ветви составим Тебе праздник свят, чист и духовен, да паки сотвориши вход во внутренния храмины душ наших, якоже обещался еси, глаголя: 'не оставлю вас сиры, но паки прииду к вам. Аще кто любит Мя, возлюблю его, и явлюся ему Сам. И Отец Мой возлюбит его, и к нему приидем и обитель у него сотворим'. Благословенно да будет вхождение Твое! Прииди и возсяди па престоле ума нашего, якоже прежде на жребя, и воцарися в сердцах наших и разреши вся безсловесия страстей наших, да с присноцветущими ваиами чистоты паки якоже древле дети воспоем Тебе: Аллилуиа.

Икос 11
Светом небесным просветися днесь святый храм, егда посетил еси его, Иисусе, и очистил еси его от куплей земных, вкупе же просветися с ним и весь святый град, якоже предрече Исаия: 'от Сиона бо изыде закон и слава Господня из Иерусалима', яко на страдания пришел еси, и свет, радость и любовь принесл еси крестом Твоим. Сего ради, рекл еси учеником прежде Своего креста: 'Еще мало время свет в вас есть, ходите, дондеже свет имате, да тьма вас не имет. Веруйте во свет, да сынове света будете'. Сие рекл еси, Господи, да и во страданиях Твоих свет веры не угаснет учеником Твоим, и да не пойдут во тьме неверия, не ведуще, камо идут, да и вси право в Тя верующии с верою возопиют Тебе: Благословен еси, Христе, Свете мира, от мира лукаваго возненавиденный. Благословен еси, Иисусе, Солнце Правды, от присных Твоих присноблажимый и препрославленный. Благословен еси, Невечерний и Тихий Свете, на захождение Свое во Иерусалим пришедый. Благословен еси, живый во Свете неприступном, зарею Воскресения весь мир просветити грядый. Благословен еси, сладчайший и присноживотный Свете, в Сионе явленный, да просветиши душевную тьму мою. Благословен еси, Светильниче светяй и горяй, во Иерусалиме возженный, да паки возжеши угасший светильник мой. Благословен Грядый во имя Господне! Осанна в вышних!

Кондак 12
Благодать Твою подаждъ нам, Иисусе, яко же прежде отроком еврейским осанна Тебе воспевшим и познавшим Твое Божество. И ныне в пречестные дни сия, Господи, паки к намблиз буди, наипаче же к призывающим имя Твое в духе кротости и мира, смирения и любве, сподоби же и нам ощутити благодать пришествия Твоего, да и мир Божий превосходяй всяк ум, да соблюдет сердца наша и вся разумения наша о Тебе, и тако просветивши души наши, во умилении и с веселием возопием Тебе, Завет нов завещати пришедшему нам кроплением крови Своея: Аллилуиа.

Икос 12
Поюще Твое на вольную страсть во Иерусалим пришествие и неизреченное снисхождение Твое, Христе, поклоняемся предначатию Креста Твоего и с дети еврейскими веселящеся, с ваиами и ветвьми сретаем Тя, и составльше праздник, прославляем Тя, яко Ты еси воистину Мессия Христос пришедый и имеяй паки со славою приити судити живых и мертвых, не на жребяти осли седяй, но яко Царь царем и Господь господствующим, Емуже имя - 'Слово Божие', имеяй вслед Себе не отроки 'осанна' поющие, но вся воинства небесная вопиющия гласом громов крепких: Аллилуиа, спасение, честь и слава и сила Господу нашему, яко воцарися Господь Вседержитель. Сие великое шествие Твое в Сион Горний нисходящь с небесе от Бога с верою чающе, прославляем в земный Сион на всемирное заклание вхождение Твое, поюще Тебе сице: Благословен еси, Сыне Отечь, славою венчавый человека, тернием венчатися грядый, да терноносное естество наше плодоносно сотвориши. Благословен еси, Агнче Божий, вземляй грехи мира, да кровию Своею нас падших паче снега убелиши. Благословен еси, Женише душ и сердец наших, от Чертога Твоего исходяй, да никтоже укрыется от теплоты Твоея. Благословен еси. Пастырю Добрый, входяй ныне в твой овчий двор, да никтоже похитит нас от руки Твоея. Благословен еси, Учителю наш, Сиона ради не умолчавый до крестныя Пасхи Твоея, да други своя до конца словом и любовию на Вечери утешиши. Благословен еси, Спасителю наш, в червлены ризы напоследок облещися восхотевый, да нас яко невесту ризою спасения и одеждою веселия украсиши. Благословен Грядый во имя Господне! Осанна в вышних!

Кондак 13
О, Иисусе Христе, Агнче Божий, прежде век на заклание приуготованный, ныне же во Иерусалим на вольную страсть грядый! Приими малое сие с ваиами и ветвми приносимое Тебе моление наше, да в пречестные дни сии последуем стопам Твоим в тишине и кротости духа и во умилении и чистоте сердца и тако да пребудем с Тобою и во все время земнаго странствия нашего. И сподоби нам неосужденно причаститися Божественныя радости Святыя Пасхи Твоея зде на земли, да и по пришествии в Небесный Иерусалим на веки соединимся с Тобою, со всеми святыми поюще Ангельскую песнь: Аллилуиа.
(Этот кондак читается трижды, затем икос 1 и кондак 1)

(материал с сайта http://iconkuznetsov.ru)

«И вывел их вон из города до Вифании и, подняв руки Свои, благословил их. И, когда благословлял их, стал отделяться от них и возноситься на небо. Они поклонились Ему и возвратились в Иерусалим с великою радостию, и пребывали в храме, прославляя и благословляя Бога» (Лк. 24: 50-53)

«Но вы примете силу, когда сойдет на вас Дух Святый, и будете Мне свидетелями в Иерусалиме и во всей Иудее и Самарии и даже до края земли. Сказав сие, Он поднялся в глазах их, и облако взяло Его из вида их. И когда они смотрели на небо, во время восхождения Его, вдруг предстали им два мужа в белой одежде. И сказали: мужи Галилейские! Что вы стоите и смотрите на небо? Сей Иисус, вознесшийся от вас на небо, придет таким же образом, как вы видели Его восходящим на небо. Тогда они возвратились в Иерусалим с горы, называемой Елеон, которая находится близ Иерусалима, в расстоянии субботнего пути» (Деян. 1: 8-12). 

Об иконе

Икона Вознесение Господне - икона праздничного чина. Вознесение Господне принадлежит к двунадесятым христианским праздникам, устанавливается в воспоминание о Вознесении Спасителя. Праздник связан с Пасхальным циклом и празднуется на сороковой день после Воскресения Христова (Пасхи). Праздник Вознесения Господня служит введением или приготовлением к празднеству сошествия Святого Духа, ко дню Троицы.
О своем Вознесении Иисус прежде не раз говорил апостолам: «Восхожу ко Отцу Моему», но они не понимали этих слов, пока не увидели, что слова его сбылись.
После Вознесения апостолы вернулись в Иерусалим с великой радостью - теперь они знали, что у них есть Господь, с которым их уже ничто больше не может разлучить. «Ибо я уверен, - говорит Павел, - что ни смерть, ни жизнь, ни Ангелы, ни Начала, ни Силы, ни настоящее, ни будущее, ни высота, ни глубина, ни другая какая тварь не может отлучить нас от любви Божией во Христе Иисусе, Господе нашем» (Рим. 8:38-39).
Воскресение Христа убедило апостолов в истинности Его учения, в Божественности Его происхождения, ибо воскреснуть из мертвых и вознестись мог только Бог воплощенный, без Бога никакие чудеса истинные невозможны. И это было не восхождение умом, в мечтах или призрачно, а действительное вознесение в собственном (земном) теле. Христианский смысл жизни, заключающийся в приобретении ещё здесь, на земле, богоподобных духовных ценностей и вере в реальное воскресение тела для бесконечной жизни в Боге (иначе говоря, в спасение), открывается в событиях Воскресения Иисуса Христа. Эти истины отражены в Символе веры - основе христианского вероучения: «Ожидаю воскресения мертвых»; «И жизни будущего века».

Когда совершается празднование

Праздник Вознесение Господне совершается на сороковой день после Воскресения Христова (Пасхи), поэтому всегда приходится на четверг. Дата празднования передвигается в пределах мая — начала июня.

Как молиться перед иконой

Молитва Вознесению Господню
Господи Иисусе Христе, Боже наш, сошедый с Небесных высот спасения нашего ради и напитавый нас духовною радостию во святыя и пресветлыя дни Воскресения Твоего, и паки по совершении земнаго служения Твоего вознесыйся от нас на небо со славою и возседый одесную Бога и Отца! В сей “ясный и всесветлый день Божественнаго на небеса восхождения” Твоего “земля празднует и ликует, радуется и небо Вознесением днесь Творца твари”, человецы славословят непрестанно, зряще заблуждшее и падшее естество свое на рамо Твое, Спасе, вземлемо и на небеса вознесенное, Ангели же веселятся, глаголюще: Кто Сей, пришедый во славе, силен во брани. Сей воистину Царь Славы?! Сподоби и нам немощным, земная еще мудрствующим и плотоугодия, творити непрестающим, восход Твой на небо страшный помышляющи и празднующе, плотская и житейская отложити попечения и со Апостолы Твоими на небо ныне взирати всем сердцем своим и всеми помышленьми своими, поминающе, яко тамо на небеси горе жительство наше есть, здесь же на земли мы точию странники и пришельцы есмы, отшедшия из дома Отча в страну далечу греха. Сего ради усердно просим Тя, преславным Вознесением Твоим, Господи, оживи нашу совесть, еяже нужнейши ничтоже есть в мире, возведи нас из плена сего греховнаго плоти и мира и сотвори нас горняя мудрствовати, а не земная, яко да не ктому себе угождати будем и жити, но Тебе Господу и Богу Нашему служити будем и поработаем, дондеже отрешившеся от уз плоти и прошедши невозбранно воздушныя мытарства, достигнем небесных обителей Твоих, идеже, ставше одесную Величествия Твоего, со Архангелы и Ангелы и всеми святыми прославляти будем Всесвятое Имя Твое со Безначальным Твоим Отцем и Пресвятым и Единосущным и Животворящим Твоим Духом, ныне и присно и во веки веков. Аминь.

Тропарь на Вознесение Господне

Тропарь, глас 4
Вознеслся еси во славе, Христе Боже наш, радость сотворивый учеником обетованием Святого Духа, извещенным им бывшим благословением, яко Ты еси Сын Божий, Избавитель мира.

Кондак, глас 6
Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,/ и вопия любящим Тя: Аз есмь с вами и никтоже на вы.
Величание.
Величаем Тя, / Живодавче Христе, / и почитаем Еже на небеса, / с Пречистою Твоею плотию, / Божественное Вознесение.

Акафист Вознесению Господню

Кондак 1
Возбранный Воеводо, Творче неба и земли! Победителю смерти похвальное приносим пение, яко по пресветлом Твоем из мертвых Воскресении на небеса со славою вознеслся еси и с пречистою плотию Твоею одесную Бога и Отца возсел еси, да и наше падшее естество совознесеши с Собою, и от грехов и от вечныя смерти свободиши на веки. Мы же Божественное Твое Вознесение празднующе со ученики Твоими от души Тебе вопием: Иисусе, вознесыйся от нас на небо, не остави нас сирых.

Икос 1
Архангелов и Ангелов лики сопредсташа Тебе, Царю всех, на Елеонстей горе, со страхом видевше Тя на высоту небесную вземлема с плотию, и прославляху величие человеколюбия Твоего, поюще Тебе тако: Иисусе, Царю Славы, взыди на небеса в воскликновении во гласе трубне. Иисусе, Господи Сил, взыди на херувимы и возлети на крилу ветреню. Иисусе, Превечный Боже, даждь гласу Своему глас силы, да трепетна будет ныне вся земля. Иисусе, Превышний Свете, яви Силу Твою на облацех, и огнь от Лица Твоего да воспламенится. Иисусе, Искупителю твари, уготови на небесех Престол Твой и Царствию Твоему да не будет конца. Иисусе, Творче небу и земли, седи одесную Отца Твоего, да будет Бог всяческая во всех. Иисусе, вознесыйся от нас на небо, не остави нас сирых.

Кондак 2
Видевше Апостоли Тя из мертвых возставша, Владыко Господи, егда во днех четыредесятих являл еси Себе им, глаголюще о тайнах Царствия Божия, и восприявше от Тебе заповедь от Иерусалима не отлучатися, но чаяти обетования Отча, дондеже облекутся силою свыше, сошедшеся, пребываху единодушно вкупе на молитве поюще Тебе едиными усты и единым сердцем: Аллилуиа.

Икос 2
Разум Божественного смотрения открывая, Всеблагий Иисусе, извел еси ученики Твоя вон до Вифании, и возвед их на гору Елеонскую, начат к великому Твоего Вознесения на небо таинству готовити, глаголюще: Приближися, о друзи Мои, восхождения время, шедше убо научите вся языки слову, еже слышасте от гласа Моего, крестяще их во имя Отца и Сына и Святаго Духа. Тии же, еще земная мудрствующе, вопрошаху, не в сие ли лето устроиши Царствие Израилево. Обаче Ты рекл еси им: “несть ваше разумети времена и лета, яже Отец положи во Своей власти”, да выну готови будут ко сретению Своего Жениха Небеснаго, вопиюще: Иисусе, Пастырю Добрый, не разлучайся никогдаже от нас, но пребуди с нами неотступно. Иисусе, Учителю Благий, Святаго Утешителя Духа ниспосли нам, да пребудет с нами неизменно. Иисусе, Просветителю наш, просвети души наши Твоим к Небесному Отцу Вознесением. Иисусе, Спасителю наш, спаси нас от малодушия и бури Твоим заступлением. Иисусе, Наставниче наш, словом уст Твоих настави нас на Твое служение. Иисусе, Помощниче наш, Духом Твоим Святым воспомяни нам Твое Откровение. Иисусе, вознесыйся от нас на небо, не остави нас сирых.

Кондак 3
Силою свыше Апостолы облещи хотяй, Иисусе, егда на горе Елеонстей обетовал еси им Духа Святаго сошествие. Ты повелел еси им, да свидетелие Твои будут во Иерусалиме и во всей Иудеи, и даже до последних земли, глаголюще: Приидите и внидите враты Моими, уготовите путь Мой и путь творите людем Моим и камения от пути размещите, вознесите знамение на языки, да вси вернии воспоют с вами: Аллилуиа.

Икос 3
Имея бездну милосердия, Сладчайший Иисусе, ученики Твоя и жены Тебе последствовавшия и наипаче Рождшую Тя Матерь Твою радости безчисленныя исполнил еси во Твое Вознесение, егда уже отступив от них, распростерл еси руце Твои и благословил еси, глаголюще: “Се Аз с вами есмь во вся дни до скончания века”, тии же, страхом исполнени, прославляху Твое милостивное снисхождение, глаголюще: Иисусе, милости Подателю, помиловати род человеческий на Елеон пришедый. Иисусе, скорбных Увеселителю, сущия с Тобою други Твоя утешити восхотевый. Иисусе, Надеждо безнадеждных, Твоим благословением при отшествии на небо нас от уныния сохранивый. Иисусе, Прибежище безприютных, Твоим Вознесением восход к Отцу Небесному и нам даровавый. Иисусе, Утешителю Благий, Утешителя Иного от Отца послати нам обещавый. Иисусе, Пастырю овцам Великий, Твоему верному стаду разсеятися не благоволивый. Иисусе, вознесыйся от нас на небо, не остави нас сирых.

Кондак 4
Бурю внутрь недоумения и печали многия имуще, Апостоли рыданием слез исполнишася, егда увидеша Тя, Христе, на облацех возносима и плачуще глаголаху: Владыко, како ныне оставляеши рабы Твоя, их же за милосердие Твое возлюбил еси, камо идеши, руками содержай концы? Мы же оставивше вся, Тебе Богу последовахом, радующеся, во веки с Тобою надежду имуще быти. Не остави нас сирых, якоже обещался еси, не разлучися от нас, Пастырю наш Добрый, но посли нам Пресвятаго Духа Твоего, наставляюща, просвещающа и освящающа души наша, да благодарственно воспоем Тебе: Аллилуиа.

Икос 4
Слыша рыдания ученик Твоих, Владыко Господи, о разлучении скорбящих, Ты совершеннейшее благословение преподал еси другом Твоим, глаголюше: не плачите возлюбленнии, и сетование все отрините, полезно вам есть, да Аз иду ко Отцу Моему, аще бо не иду, Утешитель не приидет. Вас ради с небесе снидох и вас ради паки восхожду на небо уготовати место вам, не оставлю бо овец Моих, яже собрах, не забуду, ихже возлюбих. Тии же Божественными словесы сими утешени бывше, со умилением возопиша Тебе: Иисусе Всеблагий, печаль и слезы наши на радость преложивый, не лиши нас и вечныя радости во Царствии Твоем. Иисусе Всещедрый, радостию исполнивый нас во Твоем Вознесении, сохрани дух наш в присном радовании и во странствии земном. Иисусе, якоже кокошь собравый птенцы своя, не попусти нам по стогнам мира сего разлучитися. Иисусе, союзом любве нас на Вечери связавый, не даждь нам по действу сатанину, яко пшенице разсеятися. Иисусе, мир Твой нам в наследие оставивый, соблюди нас в единомыслии и любви Твоей. Иисусе, обители мнози в раи устроивый, уготови место нам в Небесной Обители Твоей. Иисусе, вознесыйся от нас на небо, не остави нас сирых.

Кондак 5
Боготечный облак пресветел зело подъят Тя, Жизнодавче Господи, учеником зрящим, егда отступив от них, благословил еси, и тако со славою многою, яко на крылех херувимских носимый, предивный восход Твой ко Отцу Твоему совершил еси на небо, еже прежде непроходимо бысть от духов злобы поднебесных и от князей власти воздушныя, ныне же внутрь Тебе прият, да от всей твари видимыя и невидимыя услышиши Ангельскую песнь: Аллилуиа.

Икос 5
Видевше преславное Твое с плотию на небеса Восхождение, Царю твари, чини Ангельския, долу сущия, ужасшеся, глаголаху силам горнейшим: Возмите врата вечная, яко грядет Царь Славы, отверзитеся небеса и вы небеса небес, восприимите Господа сил и поклонитеся Ему, вопиюще: Иисусе, Славы Отчия сияние, просвети нас светом Лица Твоего. Иисусе, горних умов облистание, облистай нас в невечернем дни Царствия Твоего. Иисусе, пришедый яве во огни и буре зельней, умное Твое небо свыше призови. Иисусе, Велий и Хвальный зело в горе Твоей Святей, правду Твою в небесех возвести. Иисусе, возвеличивый до небес милость Твою, яви славу Твою по всей земли. Иисусе, возшедый на небо небеси на востоке, во век Слово Твое да пребудет на небеси. Иисусе, вознесыйся от нас на небо, не остави нас сирых.

Кондак 6
Проповедницы Божественныя Славы, начальнейшие чины Ангельския, сущия на высоте небесней Господствия, Престоли, мнотоочитии Херувими и шестокрылатии Серафими, отверзоша вкупе вся высоты небесныя, сретающе Тя, Владыко Всяческих, и видяще Тя Вознесшагося во плоти, друг ко другу со удивлением вопияху: Кто Сей, пришедый из Эдома, Державный и Сильный во брани? Кто Сей, пришедый от Васора, еже есть от плоти? Почто червлены ризы Его, яко от омочения кровию, венец терновен носяй? Сей есть воистину Царь Славы, Агнец Божий за спасение мира закланный и воскресый, во плоти ныне грядый сести одесную Отца, Емуже выну воспевати будем: Аллилуиа.

Икос 6
Возсиял еси Божественною славою, Иисусе, егда естество человеческое, в негоже облекся еси, милостивно вознесл еси, Отцу спосадил еси, и обожил еси е. Темже небеснии безплотнии чинове, чудеси удивляющеся, ужасахуся, ужасом и трепетом содержимии, Твое человеколюбие величаху. С нимиже и мы земнии Твое нас ради снисхождение и еже от нас на небеса Вознесение славословяще, молимся, глаголюще: Иисусе, струя Сый жизни, Твоим на небо Вознесением нам странникам земли путь жизни вечныя в Вышний Иерусалим указавый. Иисусе, бездна Сый милости, Твоим одесную Отца сидением плотское наше восприятие обоживый. Иисусе, вземый на рамо заблудшее естество наше, возми на Себе и моя тяжкия прегрешения. Иисусе, возшедый Плотию ко Безплотному Отцу, возведи горе моя долу поникшия помышления. Иисусе, от земли одесную Бога и Отца на горняя возшедый, даруй ми десную часть спасаемых овец получити. Иисусе, от Сиона благолепие красоты Твоея явивый, сподоби мя причастником вечнаго блаженства Твоего быти. Иисусе, вознесыйся от нас на небо, не остави нас сирых.

Кондак 7
Хотяй вознести и прославити падшее во Адаме естество человеческое, Ты, яко вторый Адам, возшед на высоту небесную, уготовал еси Престол Твой во век века, и сел еси одесную Бога и Отца, Божеством Твоим никакоже разлучивыйся Отеческих недр. Приидите убо обнищавшему нас ради и возшедшему одесную Отца Иисусу поклонимся, дадим величия Ему, и воспоем из глубины души: Аллилуиа.

Икос 7
Новое и чистое жительство открыл еси, Господи, егда с Плотию Твоею возшел еси на небеса, да состаревшийся многими грехами мир обновиши возстанием Твоим и на небеса Вознесением, показуя нам явственно, якоже Божественный Павел глаголет, яко жительство наше на небесех есть. Сего ради устранимся суетнаго мира, ум на небеса преложша, и вопиюще Тебе таковая: Иисусе, со Ангелы небесными Божеством Своим на небеса возшествием нас к небесному жительству подвизатися призвавый. Иисусе, с человеки — земный Плотию, Своим от земли отшествием нас от земных пристрастий отвращатися научивый. Иисусе, поискати пришедый заблудшее овча, к незаблудшим Твоим овцам возведи нас на небеса. Иисусе, совокупити сошедый растоящаяся естества, яже на земли соедини небесным у Вышняго Отца. Иисусе, во облаце легце возшедый на небеса, сподоби нас, земная оставльше, присно взирати на небесная врата. Иисусе, седяй во славе на Престоле Божества, даждь нам, отверзше очи, от Закона разумети Твоя чудеса. Иисусе, вознесыйся от нас на небо, не остави нас сирых.

Кондак 8
Странно и дивно Твое Воскресение, странно и страшно Твое, Жизнодавче Христе, еже от святыя горы Божественное Вознесение, непостижимо и паче ума Твое еже одесную Отца во Плоти сидение, о немже Давид духом глагола: “Рече Господь Господеви Моему: седи одесную Мене, дондеже положу враги Твои подножие ног Твоих”. Сего ради вся силы небесныя, зряще Твое на небеса возшествие, воистину покоришася под нози Твои, поюще ангельскими языки Херувимскую песнь: Аллилуиа.

Икос 8
Весь бе в Вышних, Сладчайший Иисусе, егда волею нас ради вознеслся еси со славою на небеса и одесную сел еси Бога и Отца, но и нижних никакоже отлучился еси, зане обетовал еси пребывати неотступно в Церкви и вопиял еси любящим Тя: “Аз есмь с вами и никтоже на вы”. Сие милостивое обетование Твое выну помняще и храняще в сердце, с любовию вопием Тебе таковая: Иисусе, всяку власть на небеси и на земли по Вознесении Твоем восприявый, восприими нас в Твое вечное наследие. Иисусе, всякия радости ученики Твоя обетованием Святаго Духа исполнивый, исполни нас Того благодати пришествием. Иисусе, приклонивый схождением небеса, приклони пред величием славы Твоея долу приклоньшуюся мою гордыню. Иисусе, превознесши Возшествием Твоим всю тварь, превознеси горе мою душу воспевати со Ангелы Твою Святыню. Иисусе, Божий Слове, Словом Твоим небеса утвердивый, утверди в сердце моем словеса Твоя, яко да не согрешу Тебе. Иисусе, Сыне Отечь, Духом уст Твоим всю силу Твою с небес явивый, обнови Дух правый во утробе моей, яко да не оскверню себе. Иисусе, вознесыйся от нас на небо, не остави нас сирых.

Кондак 9
Все естество падшее человеческое, долу поникшее и грехми истлевшее, взял еси на рамо Свое, Владыко Господи, новосотворивый Собою, и превыше всякаго начала и власти возвел еси днесь и Богу и Отцу привел еси, и с Собою спосадил еси на Престоле Небеснем, да освятиши е, и спрославиши, и обожиши. Безплотнии же, удивляющеся, глаголаху: Кто Сей Красный Муж, но не Человек точию, но вкупе Бог и Человек, Емуже да поем выну: Аллилуиа.

Икос 9
Витии Божественнии, ученицы Твои, Спасе, Твоему преславному Восхождению удивляющеся, на небо взираху, скорбяще, Тебе вознесшуся, и се два Ангела предстаста пред ними во одежди беле, и рекоста им во утешение: “Мужие Галилейстии, что стоите, зряще на небо? Сей Иисус, вознесыйся от вас на небо, такожде приидет, имже образом видеста Его идуща на небо”. Сие ангельское благовестие о Втором Пришествии Твоем, Господи, ученицы Твои слышавше, в радостный трепет приидоша, с нимиже и мы радостно да воспоем Тебе таковая: Иисусе, Вознесыйся от нас во всей славе Твоей, ей, гряди скоро со Ангелы святыми Твоими. Иисусе, имеяй паки приити сотворити суд прав, ей, гряди со славою во светлости святых Твоих. Иисусе, велий и страшный зело над всеми окрестными, помилуй и защити тогда вся кроткия земли. Иисусе, прославляемый в Совете Святых Твоих, Сам нас спрослави во Царствии Твоем на небеси. Иисусе, прошедый небеса Плотию, благоволи провести душу по мытарствам воздушным и улицезрети Тя. Иисусе, Вознесыйся на облацех небесных, сподоби нам с веселием и со дерзновением в последний день на облацех усрести Тя. Иисусе, вознесыйся от нас на небо, не остави нас сирых.

Кондак 10
Спасти хотя сущия с Тобою ученики, Христе Спасе, и вся верующия словеси их ради в Тя, и по Тебе последовавшая, возшел еси на небеса, да уготоваеши место им, яко в дому Отца Твоего обители многи суть, якоже Сам рекл еси ко страсти грядый, глаголя: “Аще уготовлю место вам, паки прииду и поиму вы к Себе, да идеже есмь Аз, и вы будете”. Сего ради сподоби и нам, Господи, по смертнем вознесении нашем обрести храмину нерукотворенну, вечну на небесех, уготованную не от древа, или сена или тростия плотских дел наших ради, яже во огне не устоят, но от злата или сребра или каменей драгих на Твоем основании назданную, идеже выну будем Тебе славити и воспевати: Аллилуиа.

Икос 10
Царю Предвечный, Иисусе Христе, на небеса возшедый с Пречистою Твоею Плотию и всех нас в небесное наше Отечество призвавый, возведи нас долу поверженных от мирских пристрастий и плотских мудрований к высоте небесней и даруй нам еще во дни плоти нашея чистым свидетельством совести причаститися небесныя жизни и выну вкушати в таинстве Божественныя Евхаристии небесную пищу, да от чистаго сердца и духа праваго воспоем Тебе таковая: Иисусе, Великий Архиерею грядущих благ, в Вознесение Свое прошедый небеса Плотию и возшедый не в рукотворенный храм, но в самое небо, да Лику Божию от нас предстанеши. Иисусе, Небесный Архитектоне, скинию нерукотворенную на небесех соорудивый и единою вшедый во Святая Святых ко Отцу со Своею Кровию, да вечное искупление совершиши. Иисусе, Непорочный Агнче Божий, единою за грехи мира закланный, “во еже вознести грехи многих”, вознеси к Престолу Божию моя о гресех приношения. Иисусе, Новаго Завета Ходатаю, единою на небеса ко Отцу возшедый, во еже открыти путь в Небесную Скини
.

(материал с сайта http://iconkuznetsov.ru)

Об иконе.
Около трехсот лет прошло с крестной смерти и Воскресения Господа Иисуса Христа. Христианство, несмотря на жестокие преследования, все более и более распространялось по всей земле, привлекая к себе и бедных и богатых, и могущественных, и слабых.
Римский император Константин Великий, его отец был язычником, мать, царица Елена, христианкой. После смерти отца у Константина возникла война с правителем города Рима. Накануне решительной битвы, когда стало заходить солнце, Константин и все его войско увидели на небе крест, с надписью - "Сим победишь". Во сне, ночью, Константин тоже увидал Христа с крестом.

Господь велел ему сделать на знаменах своих войск кресты и сказал, что он победит противника. Константин исполнил повеление Божие, а одержав победу и войдя в Рим, велел поставить на площади города статую с крестом в руке. С воцарением Константина преследования христиан прекратились, а сам император крестился незадолго до своей смерти, потому что считал себя недостойным раньше принять это таинство.
Поиски и Нахождение св. Креста
Мать Императора Константина, царица Елена, много заботилась о распространении христианства, о постройке храмов и устройстве церкви. По просьбе сына своего она решила поехать в Иерусалим, чтобы там разыскать тот крест, на котором был распят Иисус Христос.
По приезде в Иерусалим, царица Елена много распрашивала и, наконец, от одного очень старого еврея узнала место, где находится Крест Христов. Он был зарыт в землю, и над этим местом был выстроен языческий храм. Императрица приказала копать в этом месте землю. Наконец были найдены три креста и около них дощечка с надписью "Иисус Назарянин, Царь Иудейский". Но никто не мог сказать, который из трех крестов тот, на котором был распят Христос. Тогда привели одну тяжело больную женщину, и патриарх Макарий сказал ей приложиться ко всем трем крестам. Приложившись к первому и второму кресту, женщина не получила облегчения, а когда приложилась к третьему, - сразу выздоровела. Потом принесли умершего и стали прикладывать к нему кресты. От первых двух не произошло чуда, а когда третий крест приложили к покойнику, он ожил.
Поклонение Кресту Господню
Тогда царица Елена, патриарх и все духовенство признали этот крест за тот, на котором был распят Господь наш Иисус Христос, и стали поклоняться ему и целовать его. Народу было так много, что все не могли подойти к кресту, и епископ, став на возвышенное место, несколько раз поднимал, или воздвигал крест, а народ повторял - "Господи помилуй". В память о Воздвижении Креста в Иерусалиме составили молитву - Кресту Твоему поклоняемся, Владыко, и Святое Воскресение Твое славим.
В церкви празднуется и вспоминается Воздвиженье Креста 14 сентября. Накануне этого дня за всенощной на середину храма торжествено выносят украшенный цветами крест, и мы поклоняемся ему и целуем его при пении - "Кресту Твоему поклоняемся, Владыко…"
Император Константин и мать его, императрица Елена, сделали очень много для распространения христианства. Поэтому Церковь причислила их к святым и называет равноапостольными.

Когда совершается празднование
Празднование совершается 27 Сентября (14 сентября).

Как молиться перед иконой.
Кресте честный, хранитель души и телу буди ми: образом своим бесы низлагая, враги отгоняя, страсти упраздняя и благоговение даруя ми, и жизнь, и силу, содействием Святаго Духа и честными Пречистыя Богородицы мольбами. Аминь.
Молитва Честному Кресту («Да воскреснет Бог...») одна из самых сильных молитв, защищающих от всякого зла, беды и опасностей:
Да воскреснет Бог, и расточатся врази Его, и да бежат от лица Его все ненавидящие Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй беси силою на тебе пропятого Господа нашего Иисуса Христа, во ад сшедшего и поправшего силу дьяволю, и даровавшего нам тебе Крест Свой Честный на прогнание всякого супостата. О, Пречестный и Животворящий Кресте Господень! Помогай ми со Святою Госпожою Девою Богородицею и со всеми святыми во веки. Аминь.

Тропарь, глас 1:
Спаси, Господи, люди Твоя / и благослови достояние Твое, / победы православным Христианом на сопротивныя даруя / и Твое сохраняя Крестом Твоим жительство.

Кондак, глас 4:
Вознесыйся на Крест волею, / тезоименитому Твоему новому жительству, / щедроты Твоя даруй, Христе Боже, / возвесели силою Твоею верныя люди Твоя, / победы дая нам на сопостаты, / пособие имущим Твое оружие мира, / непобедимую победу.
Величание: Величаем Тя, Живодавче Христе, и чтем Крест Твой Святый, имже нас спасл еси от работы вражия.
Припев: Величай, душе моя, пречестный Крест Господень.

Ирмос 9-й песни
Таин еси, Богородице, рай, / невозделанно возрастивший Христа, / Имже крестное живоносное на земли насадися Древо. / Тем, ныне возносиму, / покланяющеся Ему, Тя величаем.

Акафист Честному и Животворящему Кресту Господню
Кондак 1
Приидите, христоименитии людие, составим похвалу Честному Кресту, на нем же Христос, Царь славы, руце распростер, возведе нас на первое блаженство, из негоже низпадохом прелестию змиевою. Ты же, о пресвятый Кресте, яко имеяй присущую тебе силу Распятаго Христа, спасай и сохраняй от всяких бед любовно зовущия ти:
Радуйся, Честный Кресте, всерадостное знамение нашего искупления.

Икос 1
Ангелов лицы, яко Божии служителие, Крест обстояще, вольную страсть Христа Жизнодавца прославляют. Мы же страданьми Того вечныя смерти избавльшеся, подражая горним силам, радостно взываем:
Радуйся, Кресте, яко на тебе Христос Бог наш, волею руце распростер, спасение наше содела; радуйся, яко распростершимся на тебе Христом преступление Адама и Евы, простерших руце ко древу запрещенному, упразднися. Радуйся, яко воздвижену бывшу на тебе, аки преступну, Законодавцу, древняя клятва, яже на нас бывшая, потребися; радуйся, яко содеявшимся на тебе странным таинством род человеческий от тли смертныя свободися. Радуйся, яко Пострадавшим и Умершим на тебе жало смерти сокрушися; радуйся, того ради страдания Бог с человеки примирися.
Радуйся, Честный Кресте, всерадостное знамение нашего искупления.

Кондак 2
Видя падших человеков, Господи, Ты вочеловечився, крест и смерть вольно плотию претерпел еси за род наш, да от смерти вечныя избавиши исповедающия Тя, Сына Божия и вопиющия Ти: Аллилуия.

Икос 2
Разум человеч изнемогает в постижении велия тайны Твоего, Христе, воплощения и вольнаго за ны страдания: како Ты, Бог сый безстрастный, страсть крестную, яко человек, претерпел еси и сие орудие смерти Твоея соделал еси источником жизни и спасения всем благочестно в Тя верующим и хвалебно воспевающим:
Радуйся, Кресте, на немже содеяся таинство, от века предопределенное; радуйся, яко на тебе совершися наше искупление, многообразне во образех и сенех предъявленное. Радуйся, яко умерый на тебе Жизнодавец, кровь и воду источи, имиже грехи наша омываются; радуйся, яко каплями святейшей крове Его греховныя струпы душ наших очищаются. Радуйся, Кресте, якоже древо животное, еже есть посреде рая Божия, христианом вожделенный; радуйся, плодами безсмертия умно нас питающий и надеждою жизни вечныя малодушие наше ободряющий.
Радуйся, Честный Кресте, всерадостное знамение нашего искупления.

Кондак 3
Крест Твой, аще и древо видимо есть существом, но Божественною одеяно есть силою, и чувственное мира выявляемо умно наше чудотворит спасение, подвизая пети Тебе: Аллилуия.

Икос 3
Имуще пред очима нашима Крест пресвятый, святолепным поклонением той почитаем распеншагося ради на нем Спаса Христа, и лобызающе взываем:
Радуйся, Кресте, прославленный послушанием и страданием Христовым; радуйся, возвеличенный возвышением на тебе Сына Божия, Иже весь мир от падения Адамля воздвиже. Радуйся, яко сбывшагося на тебе ужаснаго таинства земли ужасеся и вострепета, аки бы хотящи поглотити законопреступныя; радуйся, яко заклавшуся на тебе Агнцу Божию завеса храма раздрася и жертва ветхозаветная упразднися. Радуйся, Кресте, яко распадшуся под тобою камню, каменносердечнии роди еврейстии неверием от Бога отпадоша, благодати же священства и царства лишишася; радуйся, яко омрачившуся солнцу в страсти Христовой нощь многобожия прейде и свет веры возсия.
Радуйся, Честный Кресте, всерадостное знамение нашего искупления.

Кондак 4
Бурею злобы дышуще и завистию движими, первосвященницы иудейстии скрыша в землю Крест Твой, Христе Боже, да не будет обличением безумие их; но той, яко сокровище драгое, из недр земли возсия, тщанием благочестивыя царицы Елены обретенный и на радость всему миру явленный, с Богокрасною песнию: Аллилуия.

Икос 4
Видевше тогда христианстии людие честнаго Креста обретение, прославляху распеншагося на нем Христа Бога, «Господи, помилуй» взывающе. Мы же ныне, подражающе им, прославляем Крест Его святый хваленьми сицевыми:
Радуйся, Кресте, в землю сокровенный и оскверненное грехами наше естество земное освятивый; радуйся, явлением своим из недр земных хулителей воплощения и Божества Христова посрамивый. Радуйся, яко Пострадавый на тебе плотию прия всяку власть на Небеси и на земли, да всех и вся к Богу Отцу приведет; радуйся, яко Умерый на тебе яко человек силою Божества Своего сокруши заклепы ада и изведе оттуда души праведных. Радуйся, Кресте, яко разбойник благоразумный, Христу сраспявыйся, Того исповедавый, тобою, аки лествицею, на Небеса взыде; радуйся, яко и всех отсечением страстей Христу сраспинающихся возводиши в Царствие Небесное.
Радуйся, Честный Кресте, всерадостное знамение нашего искупления.

Кондак 5
Господи, при Моисее иногда пророце точию образ Креста Твоего являем побеждаше врази Твоя, ныне же самый Крест Твой имуще, помощи просим: укрепи Церковь Твою и даруй ей победы на враги, да расточатся вси врази Твои, не вопиющии Ти: Аллилуия.

Икос 5
Честнаго Креста, Христе, действо прообразив Моисей, победи Амалика в пустыне Синайстей: егда бо простираше руце, креста образ творя, укрепляхуся людие; ныне же все вещей сбытие в нас исполнися: днесь Крест воздвизается, и демони бегают, днесь тварь вся от тли свободися, яко вся Креста ради возсияши нам дарования. Темже, радующеся, вопием:
Радуйся, Кресте, оружие Христово страшное, егоже демони трепещут; радуйся, яко силою на тебе Распятаго Христа бесовстии полчища далече прогоняются. Радуйся, яко силою действующия в тебе Божественныя благодати победы на сопротивныя христолюбивым людем даруются; радуйся, яко от тебе, яко высокоросленнаго и многоплодовитаго древа Христова на тебе страдания, плоды жизни и спасения нам произрастают.
Радуйся, Честный Кресте, всерадостное знамение нашего искупления.

Кондак 6
Проповедником силы и Божества Христова явися иногда животворящее древо Крестное, егда прикосновением своим воскреси мертваго и к жизни возведе его, еже видевше, мнози от иудей и язык познаша велию благочестия тайну: яко спасения ради человеческаго, Бог во плоти явися и страсть крестную претерпе, да спасет вопиющия Ему: Аллилуия.

Икос 6
Якоже древо райское превелие, возвысися на Голгофе честный Крест Христов, отонудуже во всю вселенную распростре мысленныя ветви благодати и Распеншагося на нем: под егоже сению обретают прохладу палимии зноем страстей и хотящии благочестно жити о Христе Иисусе. Темже и мы, благодати Того причастницы, весело взываем:
Радуйся, святый Кресте, древом жизни, Адама ради в Едеме насажденным, проображенный; радуйся, новым Адамом, руце на тебе распростершим, миру явленный. Радуйся, яко под сень благодатнаго защищения твоего вси вернии прибегают; радуйся, яко милосердием Даровавшаго нам тебе кающиися грешницы огня геенскаго избегают. Радуйся, Кресте, утешение наше в скорбех и печалех; радуйся, живительная отрадо и помощь изнемогающим в борьбе с прилогами страстей, мира и диавола.
Радуйся, Честный Кресте, всерадостное знамение нашего искупления.

Кондак 7
Хотя явити роду человеческому благости и милосердия Своего неизследимую пучину, Крест Твой, Господи, дал еси нам тверда блюстителя и прогонителя демонов. Темже вси мы, иже в Тя верующии, прославляем величие страсти Твоея, благодарно поюще Тебе: Аллилуия.

Икос 7
Дивны дела явил еси, Господи, Крестом Твоим честным: распеншуся бо Ти на том плотию, вся тварь изменися: солнце лучи своя сокры, основания земли восколебахуся, ад сокрушися державою власти Твоея и изведе юзники, яже от века содержал есть. Сего ради увязаем той сими песненными цветы:
Радуйся, Кресте, яко пострадавшему на Тебе вся тварь сострадаше, яко Творцу своему и Владыце; радуйся, яко силу Того и Божество свидетельствоваху солнце помрачением и земля колебанием. Радуйся, яко Умерый на тебе не удержан бысть в мертвых, но, разрушив державу смерти, в третий день воскресе; радуйся, яко воскресшу Тому проповедь евангельская, от лика апостольскаго наченшаяся, во вся концы земли изыде. Радуйся, Кресте, яко тобою кумирослужение и многобожие языческое упразднися; радуйся, яко тебе ради правая вера во Единаго Бога, в Троице славимаго, по всей земли утвердися.
Радуйся, Честный Кресте, всерадостное знамение нашего искупления.

Кондак 8
Странно Бога вочеловечшася и на Кресте распята бывша мысленно видяще, устранимся суетнаго мира, ум на Небеса преложше. Сего ради Бог на землю сниде и на Крест взыде, да тем, аки лествицею, на Небеса возведет вопиющия Ему: Аллилуия.

Икос 8
Днесь Адам со Евою веселится, предлежащий видяще Крест, имже поражен бысть супостат, иже древле в раи вкушением запрещеннаго плода тех прельстивый и пленники себе сотворивый. Темже и мы, срадующеся праотцем нашим о избавлении от пленения нашего душевнаго, благоговейно воспеваем:
Радуйся, Кресте, яко на тебе Пастырь добрый душу Свою положи за овцы Своя и даже до ада сниде, ища заблудших; радуйся, яко Той не презре дело руку Своею, Адама со Евою, но со инеми праведники исхити я из ада, яко из челюстей зверя крепкаго, и в рай всели их. Радуйся, яко на тебе пригвожденному Христу пламенное оружие плещи даде и Херувим, Едем хранящий, отступи от древа жизни; радуйся, яко мы, ныне Крещением возрожденнии, во Христе новые людие, невозбранно причащаемся райския пищи. Радуйся, Кресте, жезле силы Христовы, от Сиона посланный, имже мы пасемся на пажитех евангельских учений; радуйся, яко тобою невредими сохраняемся от волков душегубных, яко львове рыкающих и ищущих, кого поглотити.
Радуйся, Честный Кресте, всерадостное знамение нашего искупления.

Кондак 9
Всяких бед и козней вражиих избави ны, Кресте треблаженный, яко приемый благодать и силу от пригвожденнаго на тебе Христа, Емуже яко Богу и Избавителю нашему благодарственно и хвалебно поем: Аллилуия.

Икос 9
Ветийство всякое земнородных не довлеет к прославлению Креста Твоего, Господи, на немже спасение наше соделал еси; темже, недоумевающе восхвалити той по достоянию, взываем сице:
Радуйся, Кресте, яко вознесенный на тебе Спас мира мнози люди в познание Свое призва и до ныне призывает; радуйся, яко возсиявый на тебе, аки на свещнице, Свет истинный вся концы земли светом Боговедения озаряет. Радуйся, яко ныне Восток и Запад Пострадавшаго на тебе прославляют; радуйся, яко и тя, яко подножие Христово, вси вернии, возносяще, прославляют. Радуйся, яко от тебе, яко от неизсякаемаго источника, христоименитии людие обилие благ вечных почерпают.
Радуйся, Честный Кресте, всерадостное знамение нашего искупления.

Кондак 10
Спастися хотящим нам и под сень защищения твоего прибегающим, буди помощник, пресвятый Кресте, сохраняя ны от всех зол силою на тебе Распятаго Христа, Емуже яко Богу и Избавителю нашему благодарственно и хвалебно поем: Аллилуия.

Икос 10
Стена еси, ограждающая нас от бед и напастей, Кресте всечестный, и столп крепкий противу лица вражия, к немуже невидимии борителие приступити не смеют, боящеся взирати на силу Твою. Сего ради с верою ограждаемся святым твоим знамением и весело воспеваем:
Радуйся, пречестный Кресте Христов, от нападения духов злобы нас защищаяй; радуйся, от различных стрел их невредимы ны сохраняяй. Радуйся, яко от знамения твоего, с верою благочестно творимаго, вся силы ада, яко дым от ветра, исчезают; радуйся, яко тобою вся крепость их, яко воск от лица огня, истаивает. Радуйся, яко святии мученицы, знамением твоим ограждашеся и имя Христово призвавше, всякий, вид мучений мужественно претерпеша; радуйся, яко преподобнии отцы помощию силы Божества, знамению твоему присущия, бесовская страхования и страстей возстания победиша.
Радуйся, Честный Кресте, всерадостное знамение нашего искупления.

Кондак 11
Пение всеумиленное приносим Ти, всечестный Кресте, и смиренно молимся распятому на тебе Христу Богу нашему, Иже дарова нам тебе во отраду и утешение в скорбех, да страстию Своею избавит нас от страстей душевредных и научит благоверно воспевати Ему: Аллилуия.

Икос 11
Светом благодати Божией, таинственне ти присущия, просвети наша душевная чувствия, Кресте пресвятый, да тою озаряеми и наставляеми, не поткнемся о камень соблазна, но да возможем путем заповедей Божиих правошествовати во всей жизни нашей, воспевающе ти сице:
Радуйся, непрестающих чудес Христовых вестниче и милосердия Его к роду человеческому проповедниче; радуйся. Кресте, рода человеча обновление и Новаго Завета Христова печать и утверждение. Радуйся, торжество веры христианския и благонадежный якорю упования нашего; радуйся, святых храмов Божиих украшение и домов благочестивых ограждение. Радуйся, полей и вертоградов благословение; радуйся всех стихий освящение.
Радуйся, Честный Кресте, всерадостное знамение нашего искупления.

Кондак 12
Благодать Твою всемощную подаждь нам, Господи, да последуем Тебе, Владыце нашему, вземше крест наш, не гвоздьми пригвождающеся тому, но трудами, воздержанием и смирением, да тако причастницы будем страданий Твоих, от нихже истекают потоцы Жизни Вечныя, напаяющия вся правоверныя, благочестно поющия Ти: Аллилуия.

Икос 12
Поюще величие твое, всечестный Кресте, восхваляем тя вси, яко победоносный скипетр Царя Небеснаго, нашего же спасения всерадостное знамение, темже и вопием:
Радуйся, Кресте, православных христиан державо и несокрушимое их ограждение; радуйся, святителей украшение и всех подвижников веры и благочестия сила и подкрепление. Радуйся, Кресте, от колыбели и до гроба на всех путех жизни нас ограждаяй и по смерти на воздушных мытарствах от духов злобы нас защищаяй; радуйся, яко под знамением твоим почивающии, умершии в вере и благочестии, в последний день воскреснут в жизнь вечную. Радуйся, Кресте, явлением своим на Небеси предварити имый славное Второе пришествие Христово; радуйся, яко распеншии Христа и вси невернии узрят тя тогда и горце возрыдают, любящии же Господа, зряще тя, вельми возрадуются.
Радуйся, Честный Кресте, всерадостное знамение нашего искупления.

Кондак 13
О Пречестный и Животворящий Кресте Господень, всех христиан утешение! Тя ныне предлежаща видяще, возводимся мыслию к распятому на тебе Христу, Емуже и молимся смиренно, да тебе ради помилует нас, грешных, и сподобит в селениих райских воспевати Ему: Аллилуия.
(Этот кондак читается трижды, затем икос 1 и кондак 1)

Об иконе

На иконе изображены Дева Мария и Архангел Гавриил, посвящена икона двунадесятому празднику Благовещения Пресвятой Богородицы. Слово «благовещение» означает: добрая, благая весть. Повествование о событии, изображённом на иконе, изложено в 1-й главе Евангелия от Луки (стихи 26-38): «В шестой же месяц послан был Ангел Гавриил от Бога в город Галилейский, называемый Назарет, к Деве, обрученной мужу, именем Иосифу, из дома Давидова; имя же Деве: Мария. Ангел, войдя к Ней, сказал: радуйся, Благодатная! Господь с Тобою; благословенна Ты между женами. Она же, увидев его, смутилась от слов его и размышляла, что бы это было за приветствие. И сказал Ей Ангел: не бойся, Мария, ибо Ты обрела благодать у Бога; и вот, зачнешь во чреве, и родишь Сына, и наречешь Ему имя: Иисус. Он будет велик и наречется Сыном Всевышнего, и даст Ему Господь Бог престол Давида, отца Его; и будет царствовать над домом Иакова во веки, и Царству Его не будет конца. Мария же сказала Ангелу: как будет это, когда Я мужа не знаю? Ангел сказал Ей в ответ: Дух Святый найдет на Тебя, и сила Всевышнего осенит Тебя; посему и рождаемое Святое наречется Сыном Божиим… Тогда Мария сказала: се, Раба Господня; да будет Мне по слову твоему. И отошел от Нее Ангел».

Событие, отраженное на иконе, невероятно многозначно. Оно предрекалось всем Ветхим Заветом, давая человеку смутную надежду, что будет нечто, что даст искупление его грехам, но тайна эта была сокрыта на многие века, пока из недр колена Давидова не выкристаллизовалось великое чудо – единственная Дева, которая могла понести Того, Кто стал Солнцем Правды, Богом словом и Спасителем всего человеческого рода, – «новая» Ева, со смирением принявшая то, что судил Ей исполнить Всевышний. Её смирение спасло всех. Приснодева явилась истоком нашей возможности узнать Господа через Слово Его, почувствовать на себе все несказанное Его Милосердие, указание верного пути в Царство Божие. Бог открылся нам во всей Его полноте. Он голодал, уставал, недосыпал вместе с Его учениками, а Матерь Его, зная предназначенное Ему, скорбела о Нём, но ни разу не сказала ни слова, которое остановило бы Его, не только потому, что остановить исполнение им воли Отца было невозможно. В послушании Сына – послушание Матери, которое длилось все время от Благовещения до Успения Её, после которого Она обрела Свое царственное место рядом с престолом Божиим.

Когда совершается празднование

Днем празднования Благовещения было установлено 25 марта/7 апреля, оно приурочено к самому евангельскому событию Благовещения и приходится обычно на время Великого поста. Установление этой даты связано с датой Рождества Христова – с 25 марта/7 апреля по 25 декабря/7 января проходит девятимесячный срок вынашивания младенца матерью.
Праздник Благовещения отмечается примерно с IV века, первоначально он праздновался, очевидно, в Константинополе, после открытия равноапостольной царицей Еленой святых мест, где пребывал в земной жизни, проходил свой крестный путь Господь и где Он был распят, воскрес и вознесся к Своему Отцу. Здесь, на месте знаменательных мест, связанных с жизнью Спасителя, а значит, и с земным путем Пресвятой Матери Его, по повелению равноапостольного князя Константина Великого и матери его царицы Елены были воздвигнуты многие храмы в память о евангельских событиях.
На Руси издавна существовал обычай в праздник «Благовещение Пресвятой Богородицы» выпускать на волю птиц, которые символизируют Святой Дух, сошедший на Деву Марию. Продолжая традиции древности, ежегодно в день Благовещения в Благовещенском соборе Московского кремля Патриархом Московским совершается Божественная литургия, после окончания торжественной службы в московское небо над Соборной площадью выпускается стая белых голубей. Этот обычай был возрожден в 1995 году Патриархом Московским и всея Руси Алексием II. По словам Патриарха эта исполненная глубокого смысла традиция «символизирует дух христианской свободы, устремленность человеческой души к освобождению от пут греха и соединению с небом».

Как молиться перед иконой.

Молитва ко Пресвятой Богородице пред Ее иконою «Благовещение».

Приими, Всеблагомощная, Пречистая Госпоже Владычице Богородительнице, сия честныя дары, Тебе единей прикладныя от нас, недостойных рабов Твоих, от всех родов избранная, всех тварей небесных и земных вышшая явльшаяся. Понеже бо Тебе ради бысть Господь сил с нами, и Тобою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния, и сохранитися нам неврежденным от всякаго ядовитаго прилога диавольскаго. Но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно и во веки веков. Аминь.

Тропарь глас 4:
Днесь спасения нашего главизна, / и еже от века таинства явление, / Сын Божий, Сын Девы бывает, / и Гавриил благодать благовествует, / тем же и мы с ним Богородице возопиим: / радуйся, Благодатная, / Господь с Тобою.

Кондак глас 8:
Взбранной Воеводе победительная,/ яко избавльшеся от злых,/ благодарственная воспесуем Ти раби Твои, Богородице,/ но яко имущая державу непобедимую,/ от всяких нас бед свободи, да зовем Ти: / радуйся, Невесто Неневестная.

Величание:
Архангельский глас вопием Ти, Чистая: Радуйся, Благодатная, Господь с Тобою.

Акафист Благовещению Пресвятой Богородицы

Кондак 1
Избранной в Предвечном Совете Богоотроковице Марии, послужити велию таинству Боговоплощения, сияющей девственной чистотою паче высшия небесныя чистоты, благоговейныя пения принесем Тебе, Богородице, о всерадостном от Архангела Благовещении Твоем. Ты же, яко обрадованная и радость падшим людем подати могущая, избави нас от всяких бед и греховныя печали, и возведи нас к небесней радости, да с Гавриилом вопием Тебе: Радуйся, Благодатная, Господь с Тобою.

Икос 1
Архангел Гавриил предстояй Престолу Божию выну зрит

Об иконе

На иконе двунадесятого (одного из 12 главных) праздника Введения во храм Пресвятой Богородицы отображёно событие, происшедшее после того, как Деве Марии исполнилось три года. Родители Пресвятой Богородицы, праведные Иоаким и Анна, не имеющие детей, молясь о даровании им ребёнка, дали обет Господу: если родится дитя, то посвятить его на служение Богу. И вот родилась у них дочь, которую назвали Марией.

Когда Деве Марии исполнилось три года, праведные Иоаким и Анна, во исполнение своего обета, одев Марию в лучшие одежды, с зажжёнными свечами привели Её в Иерусалимский храм. К храму вели высокие каменные ступени. По этим ступеням трёхлетняя Мария неожиданно для всех взошла сама, без помощи взрослых. Первосвященник, по внушению свыше, взял Её за руку и ввёл не только в храм, но и в «Святое Святых» – место в храме, вход в которое был разрешён только первосвященнику, и то всего один раз в год. Все находившиеся в храме дивились столь необыкновенному событию.
Пречистая Дева воспитывалась в Иерусалимском храме в обществе благочестивых дев, прилежно читала Священное Писание, занималась рукоделием, постоянно молилась и возрастала в любви к Богу. Пребывала Пресвятая Дева в храме до четырнадцати лет – возраста, когда по закону Ей уже нельзя было более оставаться в храме. Священники хотели выдать Её замуж, но Она объявила о Своём обещании Богу – сохранить чистоту и остаться Девою. Тогда священники обручили Её дальнему родственнику восьмидесятилетнему Иосифу, чтобы он заботился о Ней и охранял Её девство.

Когда совершается празднование

День празднования – 4 декабря (21 ноября по старому стилю).

Как молиться перед иконой

Молитва Введению во храм Пресвятой Богородицы
О, Пресвятая Дево, Царица Небеси и земли, прежде век избранная Невесто Божия, в последняя же времена пришедшая в храм законный на обручение Жениху Небесному! Ты оставила еси люди Твоя и дом отца Твоего, во еже принести Себе в жертву чистую и непорочную Богови, и первая дала еси обет всегдашняго девства. Даруй же и нам соблюдати себе в целомудрии и чистоте и в страхе Божием во вся дни живота нашего, да будем храмы Духа Святаго, наипаче помози всем в подражание Твое во обителех живущим и обручившим себе на служение Богови в чистоте девства провождати житие свое и от юности нести иго Христово благое и легкое, свято храняще обеты своя. Ты провела еси, Всечистая, вся дни юности Твоея во храме Господнем вдали от соблазнов мира сего, в присном бодрствовании молитвенном и во всяком воздержании душевном же и телеснем, помози и нам отражати вся искушения вражеския от плоти, мира и диавола находящих на ны от юности нашея, и побеждати оныя молитвою и постом. Ты во храме Господнем со Ангелы пребывающи, украсилася еси всеми добродетельми, наипаче же смирением, чистотою и любовию и достойно воспиталася еси, да готова будеши вместити плотию Невместимое Слово Божие. Сподоби же и нам, одержимым гордостию, невоздержанием и леностию, облещися во всякое совершенство духовное, да уготовает кийждо от нас с помощию Твоею одеяние брачное души своея и елей доброделания, да не нази и неготови явимся во сретение Безсмертному Жениху нашему и Сыну Твоему, Христу Спасителю и Богу нашему, но да приимет ны с мудрыми девами во обители райския, идеже со всеми святыми сподоби нас выну славити и прославляти всесвятое имя Отца и Сына и Святаго Духа и Твое милостивое заступление всегда, ныне и присно, и во веки веков. Аминь.

Молитва в праздник Введения во храм Пресвятой Богородицы
К кому возопию, Владычице, к кому прибегну в горести моей, аще не к Тебе, Царице Небесная? Кто плач мой услышит и воздыхание приимет, аще не Ты, Пренепорочная, Надежда христиан и Прибежище нам, грешным? Кто паче Тебе в несчастиях защитит? Услыши стенание мое и приклони ухо Твое ко мне, Владычице и Мати Бога моего! Не презри ищущаго Твоея помощи и не отрини мене грешнаго, Царице Небесная! Научи мене исполняти волю Сына Твоего и даруй желание всегда следовати Его святым заповедям. За мой ропот в болезнех, трудах и несчастиях не отступи от мене, но пребуди Материю и Покровительницею мене малодушнаго. Царице моя Преблагая, Заступнице Усердная! Твоим ходатайством прегрешения моя покрый, от видимых и невидимых врагов защити, сердца враждующих против мене смягчи и Христовою любовию согрей их. Мне же немощному даруй Твою всесильную помощь победита моя греховныя привычки, дабы, очищенный покаянием и последующею добродетельною жизнию, в общении со Святою Церковию провел остальныя дни земнаго странствия. Предстани мне, Надеждо всех христиан, в час кончины моея и подкрепи мою веру в смертный тяжкий час. Вознеси за мене, многопрегрешающаго в жизни сей, Твоя всесильныя молитвы по отшествии моем, да оправдает мене Господь и соделает причастником Его безконечных радостей. Аминь.

Тропарь, глас 4:
Днесь благоволения Божия предображение/ и человеков спасения проповедание:/ в храме Божии ясно Дева является/ и Христа всем предвозвещает./ Той и мы велегласно возопиим:/ радуйся, смотрения// Зиждителева исполнение.

Кондак, глас 4:
Пречистый храм Спасов,/ многоценный чертог и Дева,/ священное сокровище славы Божия,/ днесь вводится в дом Господень, благодать совводящи,/ Яже в Дусе Божественном,/ Юже воспевают Ангели Божии:// Сия есть селение Небесное.

Величание:
Величаем тя, Пресвятая Дево, Богоизбранная Отроковице, и чтим еже в храм Господень вхождение Твое.

Акафист Введению во Храм Пресвятой Богородицы

Кондак 1
Избранней Предвечным Царем Богоотроковице Марии, Ангелов и человеков Царице, пришедшей иногда в храм Господень во Святая Святых, на обручение девства Своего Жениху Небесному воспитатеся в Божие Жилище, достойное поклонение усердно Тебе приносим, Ты же яко многомощная Заступница наша, от всяких нас бед и скорбей свободи, да с любовию и умилением Тебе вопием: Радуйся, Богоизбранная Отроковице, вхождением во храм двери райския нам отверзшая.

(по материалам сайта http://pravicon.com)